Atan Guardo Motocross Series sa Barangay Buot Taup

CEBU, Philippines - Ang sixth leg sa Atan Guardo Cup Motocross Series tigian karong Sabado sa alas-9 sa buntag diha sa barangay Buot Taup, ning siyudad.

Mga kategoriya nga tigian mao ang open enduro, expert, beginners ug pantra.

Ganting salapi ug tropeyo ang madawat sa mga top performers ning usa ka adlaw nga lumba nga gipasiugdahan ni Brgy. Capt. Richie Sibla.

Kabahin kini sa sunod-sunod nga sports development projects nga gipasiugdahan sa Greater Cebu Sports Organizing Committee (GCSOC) ubos sa liderato ni Jonathan 'Atan' L. Guardo.

Si Guardo misuporta sab og laing matang sa paugnat sa kusog sama sa marathon, basketball, lawn tennis, volleyball, softball, cycling ug uban pa.

Ang Buot Taup motocross gipaluyohan sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Heartvit, Diabet, Kidneycare, Eyeberry, Athan, Slima ug Hardman. – BANAT NEWS