Batch'76/'83 gisubha'g daog

CEBU, Philippines – Gisubha’g daog ang Batch ‘76/’83 human ilang gipilde ang   batan-ong Batch ‘88, 73-62   sa pagsugod sa second season sa USJ-R High School Alumni basketball tournament niadtong Domingo diha sa USJ-R gym sa Basak campus, ning siyudad.

Sa pasiunang duwa, ang Batch ‘96 midaog batok sa Batch ‘90 sa iskor nga 82-78, samtang ang Batch ‘84 naka-eskapo bitbit ang 86-83 nga kadaugan batok sa Batch ‘86.

Ang power forward nga si Jojo Mante maoy nangulo sa   Batch ‘76/’83 pinaagi sa pagkubkob og 22 puntos, samtang sila si Jun Saberon ug Henry Mejor mitampo og 12 puntos matag usa.

Si Dr. Billy Jaca maoy presidente sa USJ-R High School Alumni Association.

Puntos Matag Usa

Batch '76/'83 (73) - Mante 22, Saberon 12, Mejor 12, Gabato 10, Abella 8, Reynes 6, Romero 2, Pasana 2, Esplanada 2, Atillo 2

Batch '88 (62) - Lariosa 22, Bacalla 12, Ylaya 10, Balucan 6, Navarro 6, Rama 6, Atilano 2 – BANAT NEWS