Uptown Jaycees Foundation nagsolo sa liderato

CEBU, Philippines – Mikulit sa ilang ikatulong daog ang Uptown Jaycees Foundation ni playing coach Dr. Boy Te human ilang gipukan ang Arcason and Son's Construction and Development ni Reeve Jumawan, 91-84 aron magsolo sa liderato sa 14th Junior Chamber International (JCI) Metro Cebu Uptown Jaycees basketball tournament diha sa City Sports Club-Cebu sa Cebu Business Park.

Ang Arcason milabaw lang og uno punto sa halftime, 39-38 ug nainat pa kini ngadto sa sayes puntos, 66-60 sa fourth quarter, apan pakyas sila sa pagprotehir sa ilang labaw dihang ang Uptown Jaycees mipakanaog og 31-18 run aron ilogon ang momentum.

Ang power forward nga si Dindo Sausa maoy nangulo sa Uptown Jaycees nga mipabuto og 28 puntos, samtang ang pilderong Arcason gipangulohan ni Chito Hernandez pinaagi sa iyang 21 puntos, gisundan ni Zed Kangleon ng adunay 19 puntos.

Sa laing duwa, ang Rich Media ni Rich Mercado midaog batok sa Mandaue-Team B ni Joey Cal sa iskor nga 85-81, samtang ang Mandaue-Team A milubong sa Zone 360 sa iskor nga 89-75 aron pagkulit sa ilang unang daog sud sa duha ka duwa.

Puntos Matag Usa

Uptown Jaycees (91) - Sausa 28, Noel 16, F. Te 13, Jayme 13, Yu 5, Lim 4, B. Te 4, Purcia 4, Seno 4
Arcason (84) - Hernandez 21, z. Kangleon 19, K. Kangleon 13, So 9, Go 9, Uy 5, Lee 4, Jumawan 2, Peña 2

Ikaduhang duwa:

Rich Media (85) - Bisanes 19, Huang 13, Estella 12, Odulio 12, Mercado 8, Cue 8, Lo 7, David 6, Razon 2

Mandaue-B (81) - N. Acebron 24, Marata 15, Cortes 13, Garcia 11, D. Acebron 10, Toledo 6, Cal 2 – BANAT NEWS