AMBL, Ginga Hot Mocha mag-abot sa BAR finals

CEBU, Philippines - Gipukan sa AMBL Enterprises and Advertising ni Allan Lim ug sa Ginga Hot Mocha Mix ang ilang tagsa-tagsa ka kaatbang aron pag-abante sa finals sa Basketball Association of Ramos (BAR) Vice Mayor Mike Rama Cup 2009 didto sa barangay Cogon-Ramos gym.

Makabungog nga puntos sa fourth quarter ang gibuhian sa AMBL aron mapukan ang McMill Enterprises sa iskor nga 83-68.

Ang AMBL igo lang milabaw og singko puntos, 21-16 sa unang kuwarter, apan kalit kining nagmangtas sa second half aron pagkontrolar sa duwa hangtod na sa paghuman.

Sama sa naandan, si Robert Abasolo maoy nangulo sa AMBL pinaagi sa paghipos og 16 puntos, giabagan sab kini nila ni Rey Jumamil ug Yokyok Alesna nga nagkumboya og 26 puntos.  

Ang McMill Enterprises gipangulohan ni Danny dela Peña kinsa miposa og 20 puntos, samtang sila si Joel Tumulak ug Macky Hapitan nagkumboya og 21 puntos.

Sa sayo pa, sila si Erwin Ferrer ug Michael Ernie parehong mi-iskor og 19 puntos aron pangulohan ang Ginga Hot Mocha. Si Mark Galo mitunol og 18 puntos, samtang ang kanhi CTS Scanner nga si Glenn Birao mi-iskor og 13 puntos.

Sa laing duwa, ang Ginga Hot Mocha giluwas ni Michael Ernie pinaagi sa free throw aron pag-iskor og 103-101 nga kadaugan batok sa Jan Hog and Cattle Dealer.

Puntos Matag Usa

Unang duwa:

Ginga (103) - Ferrer 19, Ernie 19, Galo 18, Birao 13, Salcedo 8, Viagedor 6, Navarro 6, Rosaldo 6, T. Ferrer 4, Ompad 4.

Jan Hog (101) - L. Navarro 30, Reyes 20, Noel 13, Regidor 11, Villaver 6, Abatayo 6, Libre 4, Cobacha 4, Labandero 4, Barrios 3.
Ikaduhang duwa:

AMBL (83) - Abasolo 16, Jumamil 14, Alesna 12, Navarro 10, Felicitas 7, Lim 6, Sullano 6, Monreal 2, Piñas 2, Gallaway 2, Quiroz 2, Tejero 2, Loreto 2

Mc Mill (68) - Dela Peña 20, Tumulak 11, Hapitan 10, Tecson 8, Ancot 5, Pader 5, Albia 5, Apa 2, Misno 2, Secuya 2. – BANAT NEWS