Blue Angels miposte'g daog sa Fastball

CEBU, Philippines - Nagsimang ang dalan sa managsuong koponan Blue Angels ug Blue Panthers sa pagsugod sa 1st Fastball Softball Tournament didto sa Aboitiz Sports Field sa Mandaue City.

Ang Blue Angels ug Blue Panthers mga grupo sa mga indibidwal nga naghiusa aron moporma og koponan alang sa maong kalihukan ni Fastball owner Jesse Bernad.

Ang Blue Angels nanginahanglan lang og lima ka innings aron paglansang sa ilang unang daog batok sa Knights, 16-4.

Ang duha ka koponan parehong miposte og three runs sa unang inning, apan wala kini maka-iskor sa sunod nga inning.

Hinuon, ang Blue Angels kalit lang nga mihimo og 13 runs sa sunod nga tulo ka innings lakip na ang homerun ni Raymund

Salazar. Ang Knights igo lang nakahimo og usa ka run sa third inning.

Sa laing bahin, ang Blue Panthers napukan ngadto sa Korea ning maong kompetisyon nga gipaluyohan sa Alaska Milk ug Phiten. - BANAT NEWS