Atan Guardo Running Club wala mangambisyo'g daog sa Hong Kong Marathon
CEBU - Wala mangambisyon og daog ang mga sakop sa Atan Guardo Running Team, apan ilang gipasalig nga makatiwas sa full marathon race sa ilang pag-apil sa Standard Chartered Hong Kong Marathon 2009 karong Domingo.
"I've been into several sports and every sport presents a different challenge. I think marathon is one of the most challenging sports," matud pa sa tinahod nga sports patron Jonathan ‘Atan’ L. Guardo. "I've been running for 10 years now, but never in my wildest dream that I'm going to run in a full-marathon.
Bisan og mao kini ang una nila sa marathon event, si Guardo nagkanayon nga ilang paningkamotan kutob sa ilang mahimo aron makaabot sa finish line.
Matud pa usab ni Guardo nga ang pagtapos sa lumba dili lang makahatag og dungog sa iyang kaugalingon kun dili ngadto sa nasud nga Pilipinhon.
"We should finish the race. We will wave the Philippine flag especially for the OFWs in Hong Kong. We will show to them that despite the glocal economic crisis, there's an RP Team to cheer for them," matud pa ni Guardo.
Gawas ni Atan Guardo, ang ubang mga sakop sa bag-ong running club sa Sugbu nga mosalmot sa 42-kilometer run mao ang iyang mga igsuon nga sila si Jeson ug Jerry, The Freeman sports columnist Raffy Uytiepo, Tinago barangay councilor Joel Garganera, ABS-CBN newscaster Atty. Haydee Acuña ug Allan Delantar.
Uban nila ang duha ka dekalibreng runners sa Sugbu nga sila si Leizl Lumindas-Getarueals ug Mendel Lopez ug ingon man sila si Edwin Ratilla ug Genito Guardo, kinsa modagan sa 10K category.
Gawas sa Guardo team, ang Cebu Executive Running Club (CERC) mopadala sab og delegasyon ngadto sa tinuig nga kompetisyon. Kini naglangkob nilang Brandon Bryan Pon, Chris Aldeguer ug Frederic Chiongbian. (BANAT NEWS)
- Latest
- Trending
