Cebu - Ang defending champions University of Southern Philippines Foundation (USPF) ug Pajo National High School (PNHS) nakaangkon og luna sa semifinals human manghawod sa ilang tagsa-tagsa ka brackets sa 4th Shakey's Girls Volleyball League kagahapon didto sa USPF gym.
Ang USPF ni Jordan Paca mimakmak sa Don Gerardo National High School (DGNHS), 25-7, 25-12 aron pagposte og limpiyong 4-0 nga baraha sa bracket A.
Sa laing bahin, ang PNHS mao sab ang nag-una sa bracket B dihang ilang gibuntog ang Asian Learning Center, 25-5, 25-10.
Sa crossover semifinals nga gikatakda sa Enero 31, ang USPF makigsangka batok sa Abellana National School (ANS), samtang ang PNHS makigharong sa DGNHS.
Ang 4th Shakey's Girls Volleyball League gipaluyohan sa Shakey's, Philippine Sports Commission, Dunkin Donuts, Petron, Toby's ug Nature's Spring. – BANAT NEWS