CEBU - Gibanatan sa Mabolo Christian Academy (MCA) ang Liloan Selection, 71-56 aron pagposte sa ilang ikaduhang sunod-sunod nga kadaugan sa 6th M. Lhuillier Kwarta Padala Under-21 Developmental Basketball League didto sa Consolacion Sports Complex.
Wala mokompiyansa ang MCA dribblers ngadto sa host Liloan ug ila kining gilubong og 11 puntos, 20-9 sa first quarter.
Miburot pa ang labaw ngadto sa 15 puntos sa halftime, 37-24 ug misamot pa kini paghuman sa third quarter, 55-38.
Sa laing mga duwa, ang University of Southern Philippines Foundation (USPF) Baby Panthers ug Consolacion National High School (CNHS) Black Shama mipukan sa ilang tagsa-tagsa ka kaatbang alang sa ilang unang kadaugan ning maong torneyo nga gipasiugdahan sa M. Lhuillier Sports Development Foundation (MLSDF) pinaagi sa paningkamot sa ilang executive director Eddie B. Ybañez.
Ang USPF mibuntog sa Jeff’s Pharmadent, 55-50, samtang ang Black Shama ni coach Dennis Damalerio nagsalig sa abilidad ni Lemuel Malagar aron sa pagpaluhod sa Athletes for Christ through Excellent Service (ACES), 73-65.
Ang Black Shama nabiyaan og siyete puntos paghuman sa unang kuwarter, 16-9, apan nakabangon kini sa sunod nga kuwarter aron pag-ilog sa labaw sa halftime, 24-23.
Si Malagar mitusak og sunod-sunod nga nuybe puntos sa iyang season-high 29 puntos aron pagbuak sa panagtabla, 60-all ug pagkandado sa kadaugan sa Black Shama.
Puntos Matag Usa
Unang duwa:
Mabolo CA (71) - Orbeta 19, Rodavia 12, Oyao 9, Sacedor 8, Olita 7, Dajalos 5, Tabaquero 5, Moncada 2, Herbabuena 2, Barte 2
Liloan (56) - R. Conahap 14, Cipriano 10, Javier 8, Bareta 8, Conahap 8, Bantilan 5, Patigdas 3
Quarterscores:20-9, 37–24, 55–38, 71-56
Ikaduhang duwa:
USPF (55) - Loberanes 14, Maraño 13, Paogoy 13, Mica 5, Unabia 4, Daan 4, Cabatingan 2
Jeff’s Pharma (50) - Resilla 9, Cipres 8, Fernandez 7, Castañeda 7, Adlawan 3, Gallur 3, Mellana 3, Mo 2
Quarterscores:9-16, 24–23, 46–36, 55-50
Ikatulong duwa:
CNHS (73) - Malagar 29, Linao 14, Ropal 12, Najarro 6, Cadampog 6, Tibalan 4, Conde 2
ACES (65) - Cañada 21, Senires 15, Lapiño 13, Guzon 4, Lacno 4, Po 4, Ang 2, Millore 2
Quarterscores:17-17, 37-34, 54-52, 73-65. – Banat News