Dragons gilamoy sa wildkittens
Daw nagmangtas ang Cebu Institute of Technology (CIT) Wildkittens kagahapon ug ilang gikunis-kunis ang Cebu Eastern Dragons (CEC) pinaagi sa pag-iskor og 112-71 nga kadaugan sa bugtong duwa sa secondary division atol sa nagpadayon nga Cebu Schools Athletic Foundation, Inc. (CESAFI) didto sa Cebu Coliseum.
Ang maong kadaugan naghatod sa Wildkittens ngadto sa ikatulong pwesto sa ilang kasamtangan nga 3-2 win-loss nga baraha. Ang defending champion University of the Visayas (UV) Baby Lancers lang ang bugtong walay pilde sa ilang 5-0 nga baraha ug gisundan sila sa University of Cebu (UC) Junior Webmasters nga may 3-1 nga baraha. Pagsugod pa lang gani sa duwa, nagsige na’g pabuhagay og puntos ang Wildkittens ug sa una pa lang nga kwarter, daan nang hibaw-an ang resulta ilabi na dihang ang CIT milabaw sa halftime, 51-27 ug wala na makapuhong ang Dragons.
Ang Dragons ni coach Zotico “Toko” Tan aduna nay 0-4 nga baraha og bugtong sila na lang ang wala pay daug sa juniors division. Mihana unta ug paduol ang Dragons apan lupig sila sa depensa sa Wildkittens hinungdan wala gyud sila makasustenir didto sa unahan. Ang back-to-back triples ni Mark Tallo Jr. maghatag sa Wildkittens og dakung labaw sa 41 puntos, 95-54, may
Si Tallo may 14 puntos apan si Noel Onting maoy nangu sa Wildkittens sa iyang 15 puntos samtang sila si Bridrick Brigoili ug Jeffrey Taghoy may 12 ug 11 puntos.
Ang tanang 14 ka players nga gipasulod ni coach Andot Fuentes pulos gyud naka-iskor sa maong duwa.
Ang Dragons gipangulohan ni Alfie Dwight Miranda-Sy sa iyang 32 puntos nga maoy iyang career-high sa CESAFI sa kasamtangan samtang si Nolasco Cisneros III mitampo og 17 puntos.
Ning pagsuwat sa may
Puntos kada
CIT (Jrs.) 112 — Onting 15, Tallo M. 14, Caparida 14, Brigoli 12, Taghoy 11, Sanchez 7, Nalos 7, Simborio 6, Getalla 6, Almario 6, Tallo 5, Dimitiman 3, Cañete 2, Cabañero 2
CEC (Jrs.) 71 — Miranda-Sy 32, Cisneros 17, J. Tan 6, Baluyos 4, Tan 4, Sia 3, Lo 3
Halftime: 51-27
- Latest
- Trending
