Ching Hai hari sa 1st Jeson Guardo Pasalamat Cup
Daw sama sa naibtan og tunok ang Ching Hai human kini makalingkawas gikan sa mga kamot sa STVYA sa tinaktakay nga kampiyonato sa iskor nga 83-80 ug aron pag-angkon sa labing unang korona sa Jeson Guardo Pasalamat Cup basketball tournament didto sa Barangay Tisa Sports Complex, ning siyudad.
Naglisod ang Ching Hai pagpalusot sa ilang iskor sa unang-duha ka kuwarter kay ang STVYA grabe kaayo nga nakapatuman sa ilang hugot nga depensa hinungdan gipahamtangan kini og 10 puntos nga lubong, 46-56 paghuman sa first half.
Sa ikatulong kuwarter, ang Ching Hai misugod og pahungaw sa ilang kainit ug milusad kini og 25-14 nga rally aron pag-ilog sa nipis kaayo nga labaw, 71-70 pagsugod sa katapusang 10 minutos sa duwa.
Gikan niadto, ang duha ka managkaribal nagsinukliay og mga puntos, apan ang Ching Hai maoy nakalahutay sa kulbahinam nga duwa.
Sa pasiunang duwa, ang Motra nagsandig sa ilang nag-aso-aso nga opensa sa second half aron pagpukan sa Atan Guardo-sponsored Hillsview sa iskor nga 83-71 ug aron pagpahiluna sa ikatulong dapit.
Nabiyaan ang Motra og uno punto, 35-36, apan ilang gilupig ang Hillsview sa mosunod nga tulo ka kuwarter, 48-35 dayon na ngadto pagposte og 12 puntos nga kadaugan.
Ang duha ka buwan nga torneyo nga gisuportahan ni Tisa Barangay Council nga gipangulohan ni Brgy. Captain Eduardo 'Eddie' Cabulao ug first councilor Jeson Guardo, gipadagan ni Erby Diola ug sports patron Jonathan L. Guardo, ang presidente sa Uniherb
Puntos Matag
MOTRA (83) -- Castillo 24, Enriquez 15, Nacua 13, Armohallas 13, Moral 9, Satorre 4, Pilapil 4
HILLSVIEW (71) -- Medalle 19, Enriquez 16, Omana 13, Dayon 7, Aranas 6, Tuada 3, More 2, Gelasque 2
CHING HAI (83) -- Japin 29, Paguntalan 17, Solatorio 11, Panes 10, Diola 6, Yuzon 5, Rocamora 2, Amores 2, Ceballos 1
STVYA (80) -- Caburnay 21, Gelig 14, Eyao 10, Acosta 6, Caburnay 6, Moreto 4, Russel 4, Ramirez 4, Tripoli 4, Moreto 2, Bato 2, Labor 2.
- Latest
- Trending
