Garces naghari sa CDU intrams

Si Anthony Garces sa College of Allied Medical Sciences maoy naghari sa chess event sa Cebu Doctors' University (CDU) Intramurals.

Sila si Garces ug Cyfelle Wex Odan sa College of Nursing nagtabla paghuman sa five-round Swiss system tilt, apan si Garces maoy nakaangkon sa kampiyonato pinaagi sa winner-over-the-other rule.

Si Garces, ubos ni coach Engr. Alberto Sencio milampos sa iyang kampanya pinaagi sa pagpukan ni Idres Abubakar sa College of Arts and Sciences human sa 27 ka duso sa Four Knights game.

Sa laing bahin, si Odan, nakakuha og kuwatro puntos human niya gipukan si Mary Uy sa Rehabilitative Sciences pinaagi sa Philidor's defense sa 36 ka duso.

Laing College of Nursing bet nga si Adelaide Sibya, nitapos sa ikaupat nga dapit human siya nidaog pinaagi sa default batok ni Brian Chua sa College of Medicine.

Show comments