Patrimonio, Caidic, Calma tutulong sa RP women's basketball team

Tinatanggap ng Basketball Association of the Philippines (BAP) ang anumang tulong na maibibigay nina Alvin Patrimonio, Allan Caidic at Hector Calma.

Ayon kay head coach Raymund Celis, magiging malaking bentahe para sa National women’s team ang pagbabahagi ng eksperyensa nina Patrimonio, Caidic at Calma.

"They will be an inspiration to the women’s team as well as encourage them to train harder and play harder," sabi ni Celis sa tatlong retiradong PBA players.

Kasalukuyan pa ring nagdaraos ng tryouts si Celis para sa komposisyon ng RP women’s squad na lalaro sa darating na 23rd Southeast Asian Games sa Nobyembre.

Sa nakaraang SEA Ga-mes sa Vietnam noong 2003, nag-uwi ng bronze medal ang mga cagebelles.

Sinabi ni Celis na ma-aaring turuan ni Patrimonio ng mga post up moves ang mga Filipina, habang ang outside shooting naman ang maibaba-hagi ni Caidic at ang play-making ang kay Calma.

Handa naman ang UAAP champions Adamson Lady Falcons na sumabak sa tryouts sa susunod na linggo. (VIC DE JESUS)