Inaprubahan na ng International Swimming Federation (FINA) ang pagkakapasok ng 16-anyos na si Pangilinan sa RP delegation.
Ang naturang direktiba ay mula na rin sa isinumiteng dokumento ng USA Swimming na nag-papatunay sa mga naitalang rekord ni Pangilinan sa women’s 100 at 200-meter breaststroke na kanyang nilangoy sa isang kompetisyon sa Orlando, Florida.
Ang Fil-Am tanker ang ikaapat na Filipino swimmer na nasa RP Team para sa 2004 Athens Games matapos sina Miguel Molina, Miguel Mendoza at James Walsh.
Umabot na sa 15 ang bilang ng mga Filipino athletes na kakampanya sa Athens sa Agosto, 13-29.
Ang iba pa ay sina boxers Romeo Brin, Harry Tanamor, Violito Payla at Christopher Camat, taek-wondo jins Tshomlee Go, Donald Geisler at Maria Antonette Rivero, tracksters Eduardo Buenavista at Lerma Bulauitan-Gabito, trap shooter Jethro Dionisio at archer Jasmine Figueroa.
Isang atleta pa sa rowing ang inaasahang makakakuha ng wild card entry bago ang pagsusumite ng listahan ng Philippine Olympic Committee (POC) para sa nasabing quadrennial meet.