May kabuuang 385 officials mula sa 14 sports ang darating sakay ng tatlong magkakahiwalay na eroplano -- dalawa via PAL kabilang ang chartered plane at isa via Cathay Pacific.
Pangungunahan nina Philippine Sports Commission Chairman Eric Buhain at Commissioners Leon Montemayor at Michael Barredo ang 295-man group mula sa swimming, diving, athletics, canoeing, gymnastics, karatedo, sepak takraw, shooting at wrestling na nakatakdang magsimula ngayon dito.
Pamumunuan naman ni deputy chief of mission na si Capt. Reynaldo Jaylo (retired) ang 90 officials at athletes mula sa badminton, bodybuilding, basketball, chess, judo at tennis na darating sa Ho Chih Minh.
Nandidito na ang mga rowers, cyclists, archers at water polo bets sa Ho Chih Minh at ang table tennis playes ay dumating kahapon kasama ang 13 officials at secretariat/medical staffers.