At sa hindi gaanong pagdepende kay Taulava ng Phone Pals, nagbigay naman ito ng magandang bunga dahil sila ang kauna-unahan na gumapi sa Red Bull sa Philippine Basketball Association Selecta All-Filipino Cup at ang lahat ng ito ay mula sa tulong ng dalawang manlalaro.
Isa sa nasabing manlalaro si Alex Crisano na siyang gumiya sa Phone Pals nang kumana ito ng walong puntos sa third canto upang putulin ang winning streak ng Thunder.
Ngunit hindi nag-iisa si Crisano na tumulong sa Phone Pals para gapiin ang Red Bull. Humataw rin ang bagong recruit na si Bong Alvarez nang pumukol ito ng limang triples sa first half upang di gaanong mapag-iwanan ng Thunder.
Pero dahil sa mas intensibong ipinakita ni Crisano na tumapos ng 16 puntos siya ang nahirang na Player of the Week mula Nov. 11-17 kung saan kanyang ginapi sina Dondon Hontiveros at Nic Belasco ng San Miguel at Edwin Bacani at Chris Calaguio ng Shell.