Skygo at General Milling Corp., determinado

Para sa dalawang koponan mula sa Cebu--Skygo Riders at General Milling Corporation bilis at determinasyon ang magiging mahusay nilang alas para sa kanilang kampanya sa panimula bukas ng PBL-CBF Dual Meet sa Makati Coliseum.

Babanderahan ang Skygo Riders, sumungkit ng Cebu Basketball Federation Summer League crown at Gillamac Cup ng 6’3 dating MBA sensation na si Bruce Dacia at Jercules Tangkay kasama ang ilang Cebu collegiate standouts na sina Leif Villarin, Alano Caputolan at Jessie Lumantas.

Sila ay susuportahan ng mga may malalalim na karanasan sa koponan na dating manlalaro ng Chowking na sina Cesar Romero, Abi Galinato, Reggie Licanda at John Velasco.

Ang iba pang manla-laro ng Skygo Riders ay sina Gerry Cavan, Pablo Tecson, Joseph Guangco, Joseph Lanutan, Tito Batulan at David Cabrera.

Sa kabilang dako, bagamat walang lehitimong malalaking manlalaro ang Cebu, taglay naman nila ang mabibilis na mga hita nina Christopher Daruca, Sonny Toring, Lloyd Sugian, Dennis Cabigkis at MVP Alex Cainglet na igigiya ng dating PBA cager na si Jun Tan na hinirang na champion coach sa Cebu.

Aasahan ni Tan ang mga balikat nina Ariel Bonleon, Randolf Mutia, Donald Duran, Joseph Echarri, Romeo Clar Jr., Melvin Taguines, Noli Tagsip at 6’5 Jose Magdadaro.