Katatagan asam ng Negros at Cebu

Sisikapin ng co-leaders RCPI Negros at Ce-buana Lhuillier na mapa-natiling matatag sa kanilang kinalalagyan sa nakatakdang pakikipag-laban sa magkahiwalay na kalaban sa MBA First Conference sa RMC Gym.

Haharapin ng Slashers ang Casino Cagayan de Oro sa alas-4 ng hapon, bago susundan ng sagupaan sa pagitan ng Cebuana at ng The Professional Davao sa alas-6:30 ng gabi.

Galing sa kabiguan sa kanilang huling tatlong laro, kailangan ng Negros at ng Cebuana na maipanalo ang kanilang laro ngayon upang makalapit sa dalawang semifinals berth na nakataya sa Southern Conference.

Inaasahang sasandigan muli ng Gems ang balikat nina Bruce Dacia, Hercules Tangkay, Stephen Padilla, Chris de Jesus at Egay Echavez upang duplikahin ang kanilang naunang panalo at tuluyan ng maka-pasok sa semis round.