Nakapagtataka
ITO ay isang obserbasyon lang.
Magkasama ang apat na anak ni dating President Duterte —panglima na ang kanyang tinuturing na apo na si Mira nitong mga huling araw pagkatapos ang Bagong taon. Bumisita ang lima sa dating Presidente sa piitan nito sa International Criminal Court (ICC) sa The Hague, Netherlands.
Nasa The Hague ngayon si Vice President Sara Duterte at kanyang mga kapatid na si Davao City first district Rep Paolo Duterte, acting Mayor Sebastian “Baste” Duterte at maging ang kanilang bunsong kapatid na si Veronica “Kitty” Duterte at pati na si Mira.
Hiningi ng dating Presidente na sabay silang magkapatid na bisitahin siya. Pinagbigyan naman ang kanyang hiling.
Nakapagtataka na nagsabay-sabay sila sa pagdalaw sa dating Presidente.
Nakapiit ang dating Presidente sa ICC facilities mula pa noong Marso 11, 2025. Inaresto siya ng Interpol sa pakikipagtulungan ng PNP. Galing sa Hong Kong si Duterte nang silbihan ng warrant sa NAIA. Maglalabing-isang buwan na siyang nakakulong. Hindi naman pinayagan ang kahilingan ng kanyang abogado na interim release.
- Latest
