Kausaban

Basaha: 2 Cor. 5;17

Usa sa atong mga gikahadlokan mao man ang kausaban. Dili lalim nga maibot kita sa usa ka dapit diin nasinati nato ang seguridad. Ang mga panghitabo, transition ug uban pa, mao man ang mga butang nga usahay makatay-og sa atong kinatibuk-an labina kun wala kita magpaabot niini.

Alang nato helpless kaayo kita kun ugaling kini mahitabo, wala kitay laing mahimo gawas sa pagdawat niini. Si Viktor Frankl usa ka Austrian Psychiatrist nagkanayon: “If we cannot change the situation, then we will change ourselves!” gitawag kini og flexibility. Dunay mga butang nga hawa na sa atong katakus ug gahom. Adunay mga pamaagi nga angayan natong hinumdoman:

1. Tan-awa ang mga timaan nga kinahanglan na gyud ang kausaban. Mahimong maglangkob kini sa luya ug walay gana nga mga mga gimbuhaton nga unta imo naman kining naandan. Alang nimo walay kahulogan ang imong kinabuhi ug nahimong mas laay ug hinay ang imong panaw.

2. Hinuklogi kun Unsay imong Buot Usbon sa imong Kinabuhi. Dili paigo nga moingon kita: “Buot kong mag-usab!” Ang pangutana unsang aspetoha ang buot mong usbon?

3. Mahinungdanon ang sukod. Nagpasabot kini nga kinahanglan nimong usbon pananglit ang imong dili himsog nga Timbang pinaagi sa pagpaus-os niini. Mao nga ehersisyo ug disiplina sa pagkaon ang gikinahanglan alang niini.

4. Hunahunaa ang Entablado sa Kausaban. Dili paigo nga moingon ka: “Mag-usab ako! Apan dili nimo himoon nga ma visualize diha sa imong panumdoman ang mahimong resulta sa gigambalay mong kausaban. Gikinahanglan usab ang imahinasyon ug daydreaming alang sa kausaban.

5. Paghimo og Mapa. Kinahanglang sayud ka asang dapita ang sinugdanan sa panaw alang sa kausaban

6. Pakigbatoki ang mga Babag. Matud pa ni Master Yoda there is no trying you have to Do it!

7. Dili paigo ang paghunahuna. Buhata gyud ang angayang buhaton alang sa kausaban alang sa kalambuan.