Gustong idonar ang yuta

Dear Atty. Divine,

Duna koy yuta nga gusto unta nako nga i-donate sa usa ka NGO nga maoy nagtabang sa mga drug addict aron maka recover.

Single ko og wa koy anak og 60 anyos na ang akong pangidaron karon. Unsay akong buhaton aron mamahimong legal ang akong pag-donate sa maong property? Daghang salamat.

Mary

* * *

Dear Mary,

Aron mamahimong valid ang imong pagdonate sa property, kinahanglan kini nga himoon in writing, kinahanglan sab nga notarize og dapat adunay acceptance sa imong gihatagan nga NGO. Mas maayo nga moduol ka og abogado nga maoy imong pabuhaton sa imong Deed of Donation aron pagseguro nga pinasubay gyud sa balaod ang maong dokumento.

Apan hinumdumi nga kanang Deed of Donation moepekto na dayon from the time nga mopirma sa acceptance ang imong gihatagan.

Buot ipasabot nga ang imong property mamahimo dayon kining i-transfer  sa pangan sa NGO nga imong gihatagan.

Busa, sa dili pa nimo idonate ang maong property segurua nga aduna kay gi-reserve nga property alang kanimo og sa imong mga galastuhan sa umaabot nga mga panahon. Thank you and God bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.