Unsay buhaton sa dili pa paliton ang property?

Dear Atty. Divine,

Ang akong mga ginikanan gustong mopalit og yuta aron tukuran og balay. Naa na silay nakitang yuta og titulado kini. Apan gusto sa akong mga ginikanan nga ma verify daan kun wa bay problema ang maong property sa dili pa nila bayran.

Ang akong pangutana, unsay mga dokumento nga pangayuon sa akong parents gikan sa seller aron pagsuta nga way problema ang maong property? Daghang salamat.  -- Shirley

Dear Shirley,

Aron pagsuta kun limpyo ba ang titulo sa maong property ug kun wa ba kini ma mortgage o kun wa ba kini laing claimants, inyong pangayuan ang seller og latest certified true copy sa title ug sa tax declaration. Kini aron pagsuta kun wa bay mga encumbrances nga naka annotate sa title o sa tax declaration. Mangayo sab mo og tax clearance pagsuta kun wa ba kini mga pending nga buhis nga wa kabayri. Pwede sad mo mangayo og certification gikan sa barangay diin mahimutang ang property pagsuta kun wa bay pending complaint sa ilang barangay nga nag-involved sa maong yuta.

Kinahanglan sab nga inyong pangutan on ang tag-iya kun naa ba kanila ang original copy sa title kay kun nawala ang title niini, dili mo maka process sa title unless ma isyuhan og laing title hulip sa nawala nga original copy og kining maong proseso maggikan pa sa korte. Thank you and God bless. -- Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.