Food stamp program
Posible nga sugdan na karon unang bahin sa tuig 2024 ang Food Stamp Program sa administrasyong Ferdinand “Bongbong” Marcos Jr. Mao kini ang gipahibawo ni Department of Social Worker and Development (DSWD) Secretary Rex Gatchalian.
Gitawag nga Walang Gutom 2027, ang food stamp nga programa nagtumong sa paghatag og tabang sa mga gi-target nga benepisyaryo aron matubag ang dili tinuyo nga kagutom.
Ang DSWD mohatag og Electronic Benefit Transfer (EBT) cards nga adunay sulod nga P3,000 kada buwan alang ipalit sa mga pinili nga pagkaon sa DSWD registered o accredited nga mga lokal nga retailers.
Sulod sa food basket mao ang 50% nga carbohydrates, 30% proteins ug 20% fats.
Target sa gobiyernong Marcos ang usa ka milyon nga bobong gikan sa Listahanan 3 nga nalakip sa food poor criteria basi sa lagda sa Philippine Statistics Authority.
Lima ka mga pilot sites gikan sa lainlaing geographical characteristics ang giila sa DSWD ug kini mao ang conflict area sama sa BARMM, geographically isolated regions o provinces, urban poor settings, calamity - driven stricken area ug rural poor.
Ang pundo ning maong programa kuhaon sa Asian Development Bank pinaagi sa programa niini nga gigahinan og $3 milyones alang sa unang unom ka buwan.
Sa kinatibuk-an, ang gobiyerno mogahin og $40 bilyones alang sa nahisgotang programa apil na niini ang administrative cost.
Ang food stamp nga programa makapawagtang o makapaminos kaha kini sa suliran sa kakabus sa nasud?
Ang tubag sa mga kritiko, band aid solution lamang kini sa suliran sa kakabus. Aw, mas maayo nalang nang naay band aid solution kay sa wala.
Unsa kahay sulod sa food basket nga magkantidad og tulo ka libo ka pesos? Dili ba kaha ni mga de lata nga lain na og lami kay expired na?
- Latest
