Hain ang gibandilyo
Labing hilom sa sunudsunod nga pag-angkon sa Malakanyang ug ni contact tracing czar Benjamin Magalong nga ang contact tracing maoy “weakest link” sa kampanya batok sa Covid-19 si Interior ug Local Government Secretary Eduardo Año. Kinsa maoy labing sabaan sa nangaging mga buwan sa agresibong contact tracing sa tibuok nasud.
Hain na man ang gibandilyo ni Año nga kaliboan niya ka contact tracers nga gipakatap sa mga syudad ug lungsod? Giunsa man paggasto ang minilyon ka pesos nga iyang gipangayo sa Kongreso aron nga mas panghingusgan pa ang contact tracing?
* * *
Kon simbako nakalimot na ka, tugoti nga pahinumdoman sa daghan uyamot nga mga pasalig ni Año sa kangilngig sa contact tracing batok sa COVID-19:
Niadtong Hulyo 2020, nipahibawo siya nga 69,098 ka contact tracers ang gipakatap sa 5,215 ka teams sa tibuok nasud aron pagpangita sa asymptomatic ug symptomatic nga mga pasyente; ug
Nipasalig sab siya nga ang contact tracing capacity sa nasud niabot na og 98.2% ug iyang luyluyo nga si Jonathan Malaya niingon nga 99% ang efficiency sa contact tracing teams sa Cebu City.
* * *
Sa Septiyembre sa niaging tuig nipahibawo si Año nga niabot na og 97,400 ang contact tracers sa tibuok nasud ug madugangan pa gyod og 50,000 tungod sa gahin nga P5 bilyones ubos sa Bayanihan 2 Law.
Sa Enero karong tuiga, gipasaligan si Año ni Budget Secretary Wendel Avisado nga dugangan ang P1.9 bilyones nga gahin aron nga iyang ma-hire pagbalik ang tanang 50,000 ka contact tracers sa niaging tuig.
* * *
Human sa tanang numero ug binilyon ka pesos nga gipasigarbo ni Año ug sa Malakanyang, nganong nagpabilin man nga kinadak-ang buslot sa kampanya ang contact tracing usa ka tuig human sa nasudnong lockdown nga giila nga maoy kinatas-an sa tibuok kalibotan?
Nganong naghisgot na man sab si Magalong sa panginahanglan sa pagdugang sa pagbansay-bansay sa local government units nga moboluntaryo? Human sa tanang pasalig ni AñGawas sa kakuwang sa contact tracers, niangkon si Magalong nga problema sab ang kakuwang sa superbisyon ug data collection system.
* * *
- Latest
