Wa ma-acknowledge sa amahan ang illegitimate son

Dear Atty. Divine,

Usa ko ka illegitimate son ug bag-o lang nako nailhan ang akong amahan kay sa akong inahan man ko nagdako. Wa ko gi acknowledge sa akong papa sa akong birth certificate.

Ang akong pangutana kun unsay angayan nako nga buhaton aron duna koy kuptan nga dokumento nga mopatuod sa akong pagka illegitimate son sa akong papa kay medyo edad-edaran na man gud siya og duna na siyay laing pamilya. Daghang salamat.

David

* * *

Dear David,

Aron duna kay proof of filiation sa imong biological father, ang imong papa mamahimong mo execute og Affidavit of Acknowledgment/Paternity ug iya kining ipa annotate sa imong Birth Certificate sa Civil Registrar diin ka marehistro.

Importante nga ma-acknowledge ka sa imong papa samtang buhi pa siya aron kun dunay  mahitabo sa imong amahan hayan duna kay katungod nga maka-inherit kaniya.

Mamahimo sab nga modangop ka sa korte aron imong probahan ang imong filiation sa imong papa samtang buhi pa siya kay di na kini nimo mahimo kun patay na ang imong amahan. Thanks and God bless.

Atty. Divine

* * *

Alang sa inyong pangutana, ipadala lang Legal Corner sa Banat News sa V. Gullas St.,Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.