Habitual tardiness mamahimong basihan sa pag-terminate sa empleyado
Dear Atty. Divine,
Usa ko ka regular employee sa usa ka kompaniya. Tungod sa ka traffic sa among syudad sige ko og ka late. Nakadawat na ko og mga memo labot sa akong tardiness ug duna nay warning ang kompaniya nga hayan ma terminate ko kun magpadayon ang akong pagsige og ka late sa trabaho.
Unom ka tuig nako nga nagtrabaho sa kompaniya, ang akong pangutana kun mamahimo bang basihan sa pag-terminate ang akong tardiness? Dili ba ang regular employee ma-terminate lang basi sa just or authorized causes? Daghang salamat.
Leo
* * *
Dear Leo,
Basi sa atong Labor Code ang usa ka regular employee mamahimo lang i-terminate sa trabaho basi sa just og authorized causes nga gi mentioned sa Art. 282, Art. 283 og Art. 284 . Apan ang Supreme Court adunay mga desisyon nga nagkanayon nga ang habitual tardiness o kanunay nga pagka late sa trabaho usa ka serious offense ug mo constitute kini og gross and habitual neglect of duty nga usa sa mga just cause sa pag-terminate og empleyado.
Bisan og dugay na ka nga nagtrabaho sa kompaniya, ang imong kanunay nga pagka late kun habitual tardiness mamahimong kabasihan sa pag-terminate kanimo kay ang punctuality sa trabaho usa sa mga reasonable standard sa matag company ug angay lang nga tumanon sa empleyado ang standards ug uban pang mga palisiya sa kompaniya. Thanks and God bless.
Atty. Divine
* * *
Alang sa inyong pangutana, ipadala lang pinaagi sa email sa [email protected] ug akong tubagon ang inyong pangutana pinaagi sa inyong column matag Miyerkules, Sabado ug Domingo.
- Latest
