Damgo sa Inahan ni Christine

Gitug-an sa inahan ni Christine Lee Silawan nga si Lourdes nga nagpakita kaniya sa damgo ang iyang mahal nga anak kinsa nangayo kuno og tabang.

Nakatagpilaw og gamay ang inahan kansang lawas og kasing kasing hilabihan na kaluya ug kakapoy tungod sa walay pahulay ug kanunay gadugo ang dughan sa kasakit sa gidangatan sa anak nga si Christine.

Busa gipanganti sa inahan nga dili mohunong hangtod mahatagan og hustisiya ang iyang anak nga nabiktima sa brutal nga krimen.

Gipaambit ni Lourdes nga damgo niya nga mahatagan og maayong kaugmaon ang tanan niyang mga anak.

Suportado niya ang pangandoy sa iyang anak diin kang Christine gusto kunong mag flight stewardess.

Dili layo nga makab-ot sa dalagita ang damgo niini tungod kay gwapa ug buotan nga pagkabata.

Ang damgo sa anak ug inahan nahimong urom gumikan sa binuhatan sa gihulagway nilang mga demonyo nga mikawat sa kaugmaon sa bata.

Sumala ni Lourdes nga tinguha kuno sa iyang anak nga mahaw-as sa kalisod ang iyang pamilya busa pursigedo kini sa iyang pagtuon.

Gipamatud-an usab sa mga magtutudlo ni Christine ang iyang pagkabuotan nga tinun-an. 

Hilomon nga dili gani kuno makahibalo mangaway o masuko busa nakugang silang tanan sa gidangatan niini.

Sa Marso 26 dili na magsaulog unta ni Christine ang iyang ika 17 anyos nga adlawng natawhan.

Adunay dakong regalo nga gipangayo ang inahan sa dalagita sa birthday niini nga mao ang pagkab- ot sa hustisya.

Maangkon lang kini sa higayon nga madakpan ang mga kriminal, gani plano nila nga ayha na ilubong ang lawas kun naa nay madakpan nga kriminal.

Maayo unta nga mahitabo kini aron magaan gaan ang kasub-anan nga gibati sa iyang pamilya.

Hinoon gipasalig sa mga otoridad nga masulbad ang kaso ug madakpan hangtod mataral sa hukmanan ang mihimo sa linuog nga krimen.

Alang sa mga tawong adunay kasayoran unta motabang sa mga otoridad aron makatabang sa hinanaling pagkab-ot og hustisya ni Christine Lee Silawan.