Iyaan mi-donate sa property
Dear Atty. Divine,
Ang akong iyaan dunay gidonar nga property nako. Wala ni siyay anak ug tungod kay ako ang nag-atiman kaniya, iyang gihatag nako ang property pinaagi sa Deed of Donation.
Apan instead nga pirma, thumb mark ang iyang gi-affix sa Deed of Donation kay maglisud man siya sa pagsuwat human ma-stroke.
Notarized ang maong Deed of Donation ug ang notary public mismo maoy mi-assist sa akong iyaan sa pag thumb mark sa dokumento.
Ang akong pangutana kun valid ba kining maong Deed of Donation? Daghang salamat.
Rhea
* * *
Dear Rhea,
Valid ang maong Deed of Donation provided nga authentic ang thumb mark sa donor ug kun kini naka comply sa requirements basi sa Article 749 sa atong Civil Code of the Philippines nga diin dapat kini in public instrument or notarized ug dapat naka specify ang property nga gi-donate ug ang ikatulo kinahanglan dunay acceptance sa donee o sa gihatagan.
Ang thumb mark instead nga pirma dili makaapekto sa validity basta iya lang sa donor ang maong thumb mark .
Thanks and God bless.
Atty. Divine
* * *
Alang sa inyong pangutana ipadala lang sa email sa [email protected] ug akong tubagon ang inyong pangutana pinaagi sa aking column matag Miyerkules, Sabado ug Domingo.
- Latest