Mga remedyo sa naghubag nga spleen (2)

Kon ang spleen nagdaku o nihubag, usahay makasinati tag grabeng panakit apan ang uban natingala nga sa sama nga kondisyon, wala silay negatibong gipamati, diha na lang kalit nga natingob ang grabeng kadaut sa spleen nga na-trigger sa impeksyons nga wa dayon matagad nga mapa-eksamen kini sa doktor. Ang spleen, mao say labing dakung organ sa lymphatic system, porma kini og oval nga kolor brown, nahimutang ilawom sa gusok (ribcage) ibabaw sa walang bahin sa tiyan. 

Isip importanteng organ, gitahasan sab kini nga momintinar sa balanse nga lebel sa likido o tubig sa lawas. Ihulagway nato ang lymphatic system nga ingon ini – kon ang lawas atong gipakasama sa usa ka siyudad, mga organ ug  fluid o tubig, nga nagpagana sa sistima ini, mao ang mga polis, bombero ug mga basurero, nga mga magbalantay sa kahapsay sa siyudad.

Nga way kalainan kini sa lawas nga imintin ang kahimsog. Ug ang usa sab sa naglabi pa gyud nga yunik nga responsibilidad sa spleen, makahimo kini mismo nga mokontrol sa lebel sa dugo nga sa sirkulasyon iseguro nga mahatud ang suplay nga nutrens, hangin ug uban pa.

Og kon kondisyon atong spleen, nakaandam kanunay moprodyus og bag-ong pulang dugo, ug mga puting dugo nga gamiton sa pagresponde kon dunay hulga sa lawas batok sa impeksyons.

Dunay duha ka matang o tipo ang puting selyula sa dugo (white blood cells)- phagocytes ug lymphocytes, nga pulos nag-atang sa mosulod nga estrangherong bakterya nga makadaut sa lawas, aron kini santaon di makamugnag impeksyons.

Ang kaepektibo sa trabaho ini, nagdepende sab sa kalig-on sa sistima sa imyun.

Busa tutokan kanunay nga mohimsog atong imyun kay kini ang atong puwersa sa depensa nga aron kalikayan nga dili kita ilup-og sa mabug-at nga balatian.