Naninda sa giabangang pinuy-anan

Dear Atty. Divine,

May problema ko nga angay nako ipangutana kanimo og unsay angay nakong buhaton sa  legal nga pamaagi. Nagpaabang ko og balay ug dugay na kini sila nga nag-abang kanako. Maayo sila nga mobayad matag buwan. Sulod sa among compound nga akong gipaabangan, nagnegosyo ko og sari-sari store apan dunay higayon nga wala ko mangumpra og daghan alang sa akong tindahan kay nagplano ko nga panindoton. Karon, akong nahibaw-an nga ang nag-abang naninda naman sa sekreto nga wala mananghid kanako isip tag iya sa iyang gi-abangan. Ang palakaw nga estorya nga kunsomo ra nila pero daghan naman ang iyang stocks ug dili naman matawag og konsumo. Wala nay mopalit sa akong tinda kay tu-a na niya mopalit. Ang akong pangutana, unsay akong buhaton aron dili na sila maninda? Angay ba nako sila nga papahawa-on o umentuhan og dako ang ilang abangan matag buwan? — Gemma

Dear Gemma,

Mas maayo nga imo gyud silang sulti-an nga dili mahimong maninda sila sa sud sa inyong compound kay naninda man ka. Ikaw isip tag-iya sa giabangan nga balay duna kay katungod nga mobadlong nila kay ang purpose sa imong pagpaabang kanila mao ra man nga gamiton kining pinuy-anan ug dili gamiton sa pagnegosyo nga mokumpetensiya pa gyud kanimo. Kun dili gyud sila mopatuo, then mahimo nga imong usbawan ang ilang abangan or imo gyud silang papahawaon apan kinahanglan nga hatagan nimo sila og igong panahon sa pagpangita og kabalhinan kun modesisyon ka nga imo silang papahawaon. Thanks and God Bless. -      Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana matag Miyerkules, Sabado ug Domingo.