Ang iyang ginikanan

Si Papa Francisco sa dili pa mohimo sa iyang mga desisyon niadtong tua pa siya sa Buenos Aires ang mogahin gyud og panahon sa pagpaminaw kang Mario ug Regina iyang mga ginikanan. Tuod man sa dihang siya nihukom nga magpari iyang gihimo nga masayud niini ang iyang amahan nga si Mario samtang ang iyang inahan bisan pa man kun dunay pagduha duha sa iyang mga lakang ang nihatag sa dakong suporta sa adlaw mismo sa iyang ordinasyon. Adunay nindot nga gisulti ang iyang apohan nga kun ugaling siya dili modayon sa pagkapari, kanunay nga abli ang ilang ganghaan alang kaniya. Ang matag ginikanan unta ang mahisama kang Mario ug Regina! Dili mapugsanon hinunoa masinabtanon.