Imahinasyon

Lisud kun mahilom ra kaayo ang dapit sa tawo. Kini tungod kay manggawas ang bisan unsa nga giisip natong maayo ug dili maayo diha sa atong hunahuna. Kun dili nato kini mahatagan og igong pagtagad pwede tingali nga mamahimo kitang boang. Apan sa laing bahin kun gamiton nato ang atong imahinasyon diha sa paggambalay og bisan unsang maisip natong maayo ug makatabang nan, mamahimong nindot ang kahilom. Kay diha sa paggamit sa imong imahinasyon sa paggambalay og maayo nga mga hunahuna ug panlantaw nan, makahimo kini sa kahilom ingon nga mabungahong luna sa paghinuklog.