Sa sayong kabuntagon

Sukad nga ako nabalhin sa Mohon the more hinuon nga ako sa sayong kabuntagon makabangon. Ang akong ritwal mao nga  mosuroy sa may gitrabahoan sa mga panday uban ang paggambalay diha sa akong hunahuna sa mga butang nga mahimong akong mabuhat.

Lahi ra gyud ang kinabuhi sa siyudad kay sa siyudad kanunay nga imong apason ang mga kalihukan. Ang sa probinsiya ikaw maoy apsan sa imong mga plano labina kun wa gyud kay mahikap nga magamit agi’g sukaranan sa imong mga pagabuhaton.

Presko ang sayong kabuntagon ug alang kanako mabungahon kini nga sinugdanan sa matag adlaw nga panlimbasog sa kinabuhing espirituhanon, sa laktod nga pagkasulti ang kabuntagon maayong panahon sa pag-ampo!