Nude games

Dihay gibalita nga ang kapolisan sa Malaysia mikampanya karon batok sa ilang gitawag nga nude games, kun mga duwa diin ang mga nangapil kompletong naghubo. Walay sapot.

* * *

Suma sa balita nga nidangat diri kanato ang maong mga duwa kasagaran ipahigayon sa gabii daplin sa baybayon ug kini gilangkuban og nude dancing, dakup-dakop, lumba-lumba, diin kadto lang ang walay sapot ang makasalmot ug makahigayon sa pagdawat og dagkong ganti.

* * *

Kining matanga sa duwa gihimo sab kini diha sa usa ka baybayon sa amihanan kun parte sa Norte nga dapit ning lalawigan sa Sugbo. Apan na-undang kini gumikan sa kusganong reklamo sa mga sakop sa usa ka parokya sa maong dapit.

* * *

Sport kon paugnat sa kusog ang tawag niini sa mga tigpasiugda apan matud pa sa atong tinubdan walay sport nga himoon gawas sa sayaw-sayaw sa mga nangapil diin pulos kini naghubo. Kasagaran sa nangapil mga batan-on apan diha say mga hamtong na ug mga minyo na gani.

* * *

Suma pa sa usa ka Pinoy nga nakasaksi sa maong Malaysian nude games sa video, grabe kunong bastosa sa maong kalihukan. Usa ka eksena   mipakita og usa ka babayeng hubo nagsakay sa buko-buko sa usa ka naghubo sad nga lalaki. Laing eksena mipakita og laing hubo nga babaye nagkamang ibabaw sa duha ka lalaking naghayang ug wala say sapot.

* * *

Kining ilang “Nude Sports Games 2014” giingon nga “yearly affair” kini ug ang tuyo mao ang pagdani og mga langyaw’ng turista. Naay mga video ang gipamaligya kini sa sekreto lang sa Kuala Lumpur, Singapore ug Bangkok.