Way pugong-pugong

Bag-o pa kita nakabasa og article diin ang taytol nag-ingon: “Eat More, Live More.” Taytol ra ang nabasa ta wala ang unod sa artikulo. Apan naintriga kita. Kay mura’g nisukwahi kini sa kasagaran karon nga gihimo sa mga tawo, labi na mga babaye.

* * *

Karon ang paghinay-hinay sa pagkaon o ang dili  pagpatuyang  og kaon maoy gihimo sa kadaghanan aron dili managko ang tiyan ug matrim ang porma sa lawas.

* * *

Matud pa sa usa ka tag-iya’g slimming clinic: Hinay-hinay sa pagkaon aron magdugay. Lahi sa usa ka health method nga atong nabasahan diin ang taytol: “Eat More, Live More.”

* * *

Laing artikulo nga atong nabasahan nag-ingon nga didto sa mga isla sa South Pacific, kadaghanan sa mga hamtong nga lumolupyo mga tambok. Daghan kanila dagko’g tiyan. Way slimming-slimming sa porma.

* * *

Dili sila nindot tan-awon tungod sa ilang hilabihan ka tambok, apan suma pa sa maong artikulo nga ang mga taga South Pacific islands malipayon bisan ang ilang porma dili pang-beauty contest. Hangtud ning panahuna,  dieta-dieta kon dayt-dayt maoy rule sa kadaghanan ug ang ilang slogan mao gyud ang “Eat More, Live More.”

* * *

SA LAING BAHIN ... Daghang salamat nilang Nestor ug Anita Solar, magtiayon sa Ormoc City, sa ilang suwat diin ilang gibalita nga nagpadayon og numero uno ang Banat News sa ilang dapit.