Retoke

Kanunay tang makabasa sa mga entertainment columns sa Manila tabloids nga naay mga showbiz personality nga nagpausab kon magparetoke sa ilang nawong, ilong, mata, liog, etc. pinaagi sa surgery.

* * *

Ning bag-o pa, dihay usa ka inilang komedyanteng artista kinsa gibalita nga mipakorek sa iyang kinatawo ubos sa surgical procedure. Hasta bang kinatawo ipausab?

* * *

Unya angay bang ipahibawo sa katawhan ang gihimo sa doktor sa iyang kinatawo nga perpekto na man nang daan sa paghatag kaniya sa Ginoo?

* * *

Kining pagpausab sa dagway sa parte sa atong kalawasan ato rang nabasahan. Ug wa tay labot. Apan suma pa sa usa ka kaila tang monsenyor: “Nagpakita kini nga wa makontento ang nagpausab sa ilang nawong sa gihatag kanila sa Ginoo.”

* * *

OK lang tingali nga ipausab ta ang porma sa atong ilong o ba kaha sa atong mata, apan hastang kinatawo iparetoke kon ipausab? Molingo-lingo na ang Ginoo niana.

* * *

SA LAING BAHIN ... Nagpadayon ang kontrobersiya bahin sa ginganlang “Napolist.” Ang mga ulahing kalambuan niini inyong mabasa sa Banat  News ug The Freeman, ang atong igsuong mantalaan ... Daghang salamat sa atong mga supporter.