Ang tumong sa kaayohan

Ang nasinating kaayohan ang magdala sa hingtungdan ngadto sa personal nga kausaban. Kun maghisgot kita og kausaban nagpasabot kini og pagpalain gikan sa naandan.

Mahimo tingali ang hingtungdan nagpuyo sa kinabuhing salawayon ug masalaypon sa unang hugna apan human sa krisis ug sa dihang nakab-ot ang kaayohan, kini nagdala kaniya sa pagtinarong ug pagbinuotan.

Kasagaran moingon man: “Kay giayo man ko sa Ginoo mas haom nga akong igahin ngadto kaniya ang akong kinabuhi ug panahon.” Ang mga testimoniya ang mobatbat ning maong punto.