Morag nasaag na ang katuyoan sa pagprotesta

Nagsunodsunod ug nagkadaghan ang mga nanambong sa march rallies. Ang tumong mao gihapon: pagpa-abolish sa pork barrel. Ang mga raliyista di motuo nga giwagtang na ni Noynoy ang pork barrel, ug waa usab sila motuo sa hukom sa Korte Suprema sa dili na pagpa-release sa nahibiling pork karong tuiga. Ug wala nay pork barrel sa 2014 nga budget.

Waa motuo ini ang mga organizer sa mga march rallies. Busa, padayon ang ilang protesta. Ug niining tungura, morag si Noynoy na ang ilang tumong. Buot usab nila ipa-abolish ang kang Noynoy nga pork barrel, bisan tuod og wala silay nakita nga ebidensiya nga ang presidential pork giabusahan ug gikawat ni Noynoy.

Ang isyo sa pork barrel dugay na. Dugay na tang nahibawo nga giabusahan kini sa mga magbabalaud (gawas sa dili mga kiriwan og kamot). Ug tungod kay gihimo kining kasangkapan sa Presidente aron makautang og kabubut-on ang mga magbabalaud, walay nagdahom nga mawagtang ra kini.

Walay Presidente nga nangahas pagwagtang ini. Hangtud nga mibuto ang dakung anomaliya … nga nakapasuko pag-ayo sa katawhan. Sa dili na masingo ang inalisngaw ug kabaho sa pangurakot sa pork barrel, napugos pagpamahayag si Noynoy pag-ingon: It’s time we abolish the pork barrel.

Ibutang ta nga ma-abolish na gayud sa hingpit ang pork barrel … unsa man? Di ba angayan pasalamatan si Noynoy nga nahimo kini sa iyang panahon? Nganong waa man makapa-abolish ang ubang Presidente ini? Ug ngano, nga alang sa uban, maoy ilang tinguha nga malakip pagka-abolish si Noynoy? Bida sab uy!

Anyway, after the pork barrel is gone … what? Sa ato nang gihisgutan dinhi, ang pork barrel, sama sa manok nga mangitlog og bulawan. Ug tungod kay gikawat ang golden eggs, ato diay’ng patyon ang chicken that laid the golden eggs?

Ang mga kawatan ray atong gukdon ug silutan ug papadayonon ang chicken to lay the golden eggs … ug bantayan nag maayo aron dili na makawat.

Mahimong ipadayon ang pork barrel, bantayan na la’g maayo aron di na makawat. Kinahanglan transparent ang paggamit ini. On the other hand, did it occur to you, nga niining suliran nga atong giatubang karon … mao bay kasulbaran ang pagwagtang sa pork barrel?

Alang nako, ang corruption, usa lamang sa mga epekto sa dautang pagpangagamhanan. Ug ang bad governance, epekto usab sa sistima nga prone to corruption. Sa laktud, it’s the system, baby! Sa ato pa, maoy atong atakehon ang root cause, dili ang effect. Sumaa, we’ve been changing presidents, senators & congressmen, governors & mayors, and even village chiefs … and we’ve even people-powered Marcos, apan, unsay nahitabo … nagpabilin ug milambo pag-ayo ang corruption.

Again, the culprit is the system, dili ang tawo. So, sa sunod natong martsa sa kadalanan, let’s call for the overhaul of the present system. Let’s go Presidential-Federal System.