Cabinet secretary nasugatan ang lips dahil sa torrid kissing

ALAM n’yo bang usap-usapan ngayon sa Malacañang ang sugat sa lips ng isang Cabinet secretary? 

Ayon sa aking bubwit, happy birthday muna kay Madam Korina Sanchez-Roxas ng ABS-CBN, dating Labor Sec. Benny Laguesma, Engr. Mon Quijano ng DZRH, Trisha Reforma, Dra. Jet Mendoza, Atty. Myrtel Calvan ng Pagudpud, Ilocos Norte, Bro. Atty. Teddy Kalaw IV at Rodel Ordillos ng RBC Cable ng Tuguegarao City.

Ayon sa aking bubwit, katakot-takot na kantiyaw ang inaabot ngayon ni Mr. Secretary mula sa kapwa niya Cabinet members dahil sa sugat sa kanyang lips. Hindi kasi sila naniniwala sa paliwanag ni Secretary na nasugatan siya dahil sa pag-aahit. Ang hinala ng mga kapwa niya Cabinet members, dahil iyon sa isang torrid kissing.

Galing kasi si Mr. Secretary at ang kanyang very special assistant sa South Korea nitong nakalipas na weekend. Dumalo umano sila sa isang summit na hindi naman pinaniniwalaan ng mga staff ng Philippine Embassy sa Seoul.

Ang dalawang opisyal na hinihinalang may illicit affair ay sinundo pa ng mga staff ng embahada sa South Korea. Taxpayers money kaya yung allowance at gastos ni Secretary at kan-yang assistant?

Pagbalik nila sa Malacañang noong Lunes, napansin agad ang sugat sa lips ni Secretary. Grabe bang makipaghalikan si Madam at nasugatan ang lips ni Secretary?

Ayon sa aking bubwit, ang Cabinet secretary na kinakantiyawan ng mga kapwa niya opisyal dahil sa kanyang sugat sa lips ay si Secretary L. as in Lover Boy.