Editorzial - Pope Francis ginganlan og “little devil”

Di basta-basta ang napiling bag-ong Sto. Papa karon tungod  kay  may kinaiya  kini  nga  tinuod  nga  lalaki, busa  giingon  nilang  usa  kini  ka  disciplinarian.

Gani  ginganlan  kini  sa  usa ka madre  nga suhito  kaayo sa pagkatawo    sukad pa  sa pagkabata  ni Cardinal Jorge Bergoglio nga  ginganlan  karon  og Pope Francis  nga  usa  kini ka “little devil” o gamay  nga  yawa niadtong  nagpangidaron  pa  kini  og 9 anyos sa nagtungha pa kini  sa eskuylahan  sa Buenos Aires.

Buot  ipasabot  ni Sister Martha Rabino  nga  kun hisgotan  ang  pagkamaldito, aw  di bintahaan  kini  si Pope Francis  busa  tataw  kaayo  nga  kaantigo  kini  modesiplina  niadtong  mga  Cardinal  ug  mga  pari  nga badlungon  kinsa  maoy  naka-aghat  kang  Pope Benedict XVI  sa pag-resign.

Daghan  ang  mga hulga  nga  gibuhian  ni  Pope Francis  human  siya mapili  nga  bag-ong  Sto. Papa  sa 1.2 bilyones  nga  Katoliko  sa tibuok  kalibotan.

Usa   niini mao  ang  iyang  gilantaw  nga  reporma  o  dakong  kausaban  nga  iyang  ipatuman  sa katibuk-ang   Katoliko. Gumikan sa maong  reporma, nalantawan  ni  Pope Francis  nga  mokupos  ang  maong  relihiyon  ug  malagmit  mahimo  nalang  sama  sa mga  charitable  institution  nga  mawad-an  sa iyang  pundasyong  espirituwal.

Taym pa  murag kuyaw ning hulgaa  ni Pope Francis  apan  di angay  kabalak-an  tungod  kay  ang  gidaghanon  sa Katoliko  mas modoble  sa daling panahon  kay  sa mokupos. Kini  tungod  kay  way  laing  maapektohan sa reporma  nga  ipatuman  ni  Pope Francis  kundi mao  ang  iyang  mga  Cardinales  ug  mga  pari  nga  naghatag  og  di maayong  dungog  sa  Vatican. Apan  bahin  sa doktrina  niini  way angay’ng usbon  si Pope Francis  kay  nahimo  nang  tatak sa tawong  Katoliko  kay lig-on  kaayo  ang  balaod  niini   nga  nagdili sa iyang  mga pari  sa pagminyo, samtang  ang iyang  mga membro gidid-an  sa pagkaon  og karne  sa panahon sa Semana Santa, mga pagtulun-ang gitin-aw sa Bibilia nga ipatuman sa usa  ka relihiyong  nailhan  kaayo  sa Dios .

Ang  pagkaon sa dugo,  ang  ka way panaghiusa sa panahon  sa election  sama  sa pagbaton og Team Buhay  ug Team  Patay, kini  ang  tatak  sa tinuod  nga  Katoliko   nga  di mahitabo  pang  mausab  ni  Pope Francis hangtud sa pagbalik ni Kristo ug kun may membro  nga makasala   di  kini matangtang  sa iyang  pagka-Katoliko  ug   ang  modesiplina  mao ang  gobiyerno kinsa  maoy  mopriso  niini busa  hayahay  kaayo  si Pope Francis.