Bungol ug amang

SEPTIYEMBRE 9, 2012: Ikakawhaag-tulo nga Domingo sulod sa tuig

Mga Pagbasa: Is. 35:4-7a/Sal.146/San. 2:1-5/Mk. 7:31-37

Malisud alang sa tawo nga siya bungol o amang. Giputol ang iyang kahigayonan nga makiglambigit sa uban sa mas normal nga paagi. Mao nga sa dihang giayo ni Jesus ang bungol ug amang sa atong ebanghelyo karon, gibalik niya ang maong tawo sa kutay sa kalambigitan.

Apan subo nga palandungon, daghan karon ang bungol ug amang kay tinuyoan. Bungol ang tawo kung magdumili siya sa pagpaminaw. Amang ang tawo kun magdumili siya pagsulti sa bisan unsang matuod. Kini ang kahimtang sa atong kapanahonan karon.

Buot sa Dios nga kita mamahimong malipay ug mabuhi diha sa malambigitong kalibutan.