^

PSN Opinyon

Mga sad-an sa baha

- Leo Lastimosa - The Philippine Star

Mahimong tulisukon ni Cebu City Mayor Mike Rama ang iyang gipulihan nga si Kongresista Tommy Osmeña sa kapakyas pagsulbad sa dugay na kaayong problema sa baha sa downtown area ug ubang nalupa nga mga bahin sa Dakbayan sa Sugbo matag bunok sa kusog nga uwan. Apan di siyang kapanghunaw sa responsibilidad sa padayong pagpangiyugpos sa dakong katalagman.

Mahimong tulisukon ni Mandaue City Mayor Jonas Cortes ang iyang gipulihan nga si Provincial Board Member Teddy Ouano sa kapakyas pagsulbad sa dugay na kaayong problema sa baha sa dakong bahin sa Dakbayan sa Mandaue. Apan, labaw ni Rama, kabahin siya sa pagpangiyugpos sa dakong katalagman kay naa na sa iyang ikaduhang termino karon.

* * *

Ang di rang kapanulisok mao silang Mayor Paz Radaza sa Dakbayan sa Lapu-Lapu ug Mayor Soc Fernandez sa Dakbayan sa Talisay. Kay ang gipulihan ni Paz mao ra sang iyang bana nga si Kongresista Arturo Radaza. Ug ikawalo na rong tuig sa pamunoan ni Fernandez busa ang labing bug-at nga tulisok angay’ng ipahinungod sa iyang kaugalingon.

Mahimong makapanulisok sa iyang mga gipulihan si General Manager Nigel Paul Villarete sa Mactan Cebu International Airport. Apan ang nagkadungan nga kaalimuot sukad pa sa niaging kuwaresma ug ang pag-awas sa lapok ug pagbaha sa tugpahanan di mga timaan sa iyang maayong pagka tagduma.

* * *

Ang pait nga kamatuoran mao nga, kun maghisgot ta og baha, managsamang inutil silang Osmeña, Rama, Ouano, Cortes, Radaza, Fernandez ug Villarete. Sama sa ubang tradisyonal nga mga politiko, way bili alang nila ang mga proyekto nga di kabutangan sa ilang mga ngan ug mga nawong.

Maong bahala nang nagbalikbalik ang baha, ug minilyon ka pesos ang kadaot sa kabtangan ug pagkapilde sa panginabuhi ug patigayon sa matag baha, di gyud mosantop sa ilang mga hunahuna ang batakan ug dinaliang panginahanglan sa paglimpiyo ug pagpadako sa mga kanal ug mga imburnal.

* * *

Managsama silang modayon og basol sa kakuwang sa kuwarta pagpatuman sa komprehensibo nga drainage system nga hagbay rang girekomendar sa mga eksperto nga niboluntaryo sa ilang panahon ug katakos pagtabang sa gobyerno. Bisan kun ang tinuod nga nagnihit mao ang ilang politikanhong liderato ug matinud-anong pagpakabana sa pagpanalipod sa mga kinabuhi ug kabtangan.

Managsama silang talawan nga mobadlong sa labing dagkong mga negosyante kansang gidak-on sa amot sa ilang kampanya kalabwan lang sa gidak-on sa ilegal nilang mga istruktura nga nibabag sa mga sapa ug ubang agianan sa tubig. Managsama silang nipalabi sa ilang personal nga mga interes kay sa kinabag-an. Managsama silang nagdumili paglantaw sa unahan. Ug managsama silang nipili sa pagtutok ug pagtingob sa ilang atensiyon sa tumoy sa ilang ilong.

* * *

Email: mailto:[email protected]

vuukle comment

APAN

CEBU CITY MAYOR MIKE RAMA

DAKBAYAN

FERNANDEZ

ILANG

MAHIMONG

MANAGSAMA

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with