Tuli fever!

Mano: Nganong dili ka man patuli Bitoy?

Bitoy: Tungod kay dili ko gusto nga mousab sa kabubot-on sa Ginoo.

Mano: Nganong nakaingon ka man nga supak ang Ginoo sa tuli ha?

Bitoy: Kay ang Bibliya naghisgot lang sa paghimo sa Ginoo ni Adan pinaagi sa lapok ug wala hisguti nga iya pang gituli(Toink!/Ayay!) Hehehehehehehehehehehehe!

Kun ang bulan sa Pebrero gitawag og “love month “ samtang ang Marso giila nga “fire prevention month” dili paiwit sa titulo ang bulan sa Abril ug Mayo. Kun ako’y pasultihon mao ni ang bulan sa “Tuli Fever” (Toink!).

Human sa paghandom sa pagpatulo sa dugo ni Hesukristo pagluwas sa sala sa mga tawo, karon ang mabisihan ang pagpatulo na sab sa dugo sa mga kinatawo(Toink!/Aguy!)

Dili sayon ang pagkombinser sa mga bata nga magpatuli. Duna may mga bata nga agrisibo ug dili hadlokan duna say mga bata nga sobra ka talawan. Apan sa dili pa ninyo pugson ang inyong mga anak sa pagpatuli siguroa una nga angayan na gyud nga hiwaon ang pagkalalaki sa inyong mga anak. Usa sa angay sigurohon nga palos na ang kinatawo sa bata aron dili mabawo ang iyang pagpatuli. 

(Dihay bata nagdagan intawon mipauli sa ila)

Menggoy: Nay! Nay! Naay barato nga tuli sa Barangay Hall tag-50 pesos ra.

Senyang: Oy! Maayo hinoon Dong hala niay 100 aron matuli ka.

Menggoy: Tag-50 raman Nay.

Senyang: Kanang laing 50 para na sa imong Tatay(Toink!/Oyyyy!)

(Tingog sad ang apohan)

Mano: Dungagi na lang nag 50.

Senyang: Ngano man Tay?

Mano: Muoban na lang sad ko sa akong apo!(Aguy!/samot!/Toink!) Hehehehehehehehehehehehehehe!

Wala magpasabot nga kun dili matuli dili makaanak ang usa ka lalaki. Apan kun sa pagpa-alot pa maoy hisgotan gawas nga limpiyo mas angayan sad ang tupi sa hiniwa kay sa dili ipahiwa(Toink!)

Importante sa pagpatuli nga dili supak sa kabubot-on sa bata. Gawas nga kalikayan nga maglinayogay ang motuli ug ang tulion, dili makatakod sa laing bata ang bationg kahadlok sa usa nga mahimong motiyabaw atol sa operasyon. Labing importante sab nga dili magsubo ang kasingkasing sa bata sa kabubot-on sa iyang mga ginikanan.

Busa sa dili pa ang pagpatuli sa bata angayan na kining edukahon sa kamahinungdanon sa kalihokan. Tudloan sa preparasyon aron diridiritso ang operasyon ug likayan nga pugson kun dili pa andam ang bata.

(Dihay may edad na nisugilon nganong wala gyud siya matuli)

Bitoy: Nganong wala man ka matuli Noy?

Mano: Sa una gud sundang may gamiton.

Bitoy: Ah siyaro bisan dako na ka wala gyud ka kahunahuna og patuli?

Mano: Karon bag-o patuli na ta ko kay dili naman ko mahadlok og sundang.

Bitoy: Unya natuli ka na?

Mano: Wala gihapon.

Bitoy: Ha! Dili naman kaha ka mahadlok og sundang?

Mano: Dili naman sad sundang gamiton pa sa akoa.

Bitoy: Unsa naman?

Mano: Atsa!(Toink!/Aguy!)Hehehehehehehehehehehehehehe!

(emailad:[email protected])