Ang Lana Santa

Anaa sa akong lamesa ang Lana Santa alang sa mga Masakiton. (INFIRMORUM). Gitaliwad-an kini sa duruha ka mga imahen. Ang Santo Kristo ni Padre Norberto Llanos ug ang theotokod of Priests nga hinatag ni Padre Marcelino Diaz, RCJ niadtong Ordernasyon nako. Bisan asa ako balhin, ako gyud ning dalhon ning duha. Ingon ana sila ka bililhon alang nako. Ngano man? Kay sila ang simbolismo sa Diosnong kaayo ug kaayohan.

Matag tawo adunay balatian. Dili lalim nga dunay balatian. Apan sa lain bahin ang balatian mamahimong ganghaan alang sa laing hugna sa pagpahigmata. Sa matag higayon nga dunay masakiton nga sighiran ko sa Santos nga Hilog ako makakat-on og mga bag-ong pagtulon-an nga wala nako makit-i ni mabasahi sa mga libro. Ang masakiton nga nag-antos ang nagtudlo kanako sa bili sa pagpailob inay sa pagbagulbol. Nga giayo dili lang ang sakit sa masakiton kun dili ang balatian sa kalag kanila nga nanambong.

Ang Lana Santa pahinumdom nga ang tanan konektado. Ang sakit ingon man ang kaayohan dili lang kalbaryo ug kadaugan sa usa ka tawo. Kun dili, kadaugan ug kapildihan usab sa katawhan.