Death instinct

Nahimong kumon karon nga balita ang mga kaso sa suicide kon pagpakamatay. Nagkadaiya ang hinungdan. Apan kun buot hunahunaon nahitabo kini tungod kay daghan kanato ang wala na makakita og kahulogan sa kinabuhi. Ug kay wala’y kahulogan mas maayo pang tibawason na lang. Apan sa mga higayon sa kawala’y lami, wala kini magpasabot og katapusan. Kay ang kalisdanan ug kawala’y kahulogan ang mamahimong sinugdanan sa pag-ampo nga dunay kinabuhi luyo sa kamatayon. Ayaw pagpakamatay kay kun imo kining himuon, sama ra nga wala nimo tugoti ang kinabuhi nga maoy motudlo kanimo nga ang kalipay dili usa ka destino hinunoa usa ka panaw.