Halloween sa Pasko

Mga pasahero sa usa ka PUJ padung sa Lahug nalingaw imbes samokan sa mga bata nga namasko ngadto kanila.

* * *

Paghunong sa PUJ dihang nisiga ang red traffic light tulo ka bata namasko sa mga pasahero. Nagmaskara og Halloween apan panaygon sa Pasko ang gikanta. Naghisgot sa ilang kanta og “mingaw nga kagabhion’ ubos sa naglagiting nga init sa adlaw. Hehe.

* * *

Pagkahuman sa ilang Christmas caroling, niatubang silang tulo sa mga pasahero ug misangpit kanila og “Malipayong kalag-kalag.”

* * *

Didto sab sa pikas nga bahin sa siyudad, dunay laing tulo sab ka mga bata nga namasko sab apan nagmaskara usab og Halloween kalabera ra ba ang ilang maskara. Jingle Bells ang ilang gikanta apan ang lyrics wa magkadimao. Apan mao ning nalingawan sa mga pasahero.

* * *

Ang ending sa ilang caroling, suma pa sa atong tinubdan, mao ni: “Happy, happy kalag-kalag.”

* * *

Makalingaw gyud ning mga bata, bisan pa kun usahay samokan ang uban kanato. Pero angay lang nga tambagan natong mga dagko nga magbantay nga dili sila maunsa ug makaunsa sa ubang tawo.

* * *

TRIVIA -- Maayong buntag sa atong mga higala diha sa Taboan public market ug sa police precinct diha sa maong dapit.