Mindful walking

Tungod sa mga isyu kalabot sa panglawas, nitumaw ang nagkadaiyang mga libro ug literatura nga naghisgot sa mga physical exercises, hustong pagkaon, ingon man ang mga self-help books sa mga nagkadaiyang magsusulat. Usa sa mga nabasahan nako nga sinulat ni Tara Bennett-Coleman nga mao ang Emotional Alchemy ang nagdapit kanato sa kamahinungdanon sa gitawag niyang mindful walking.

Kini nagtimaan nga mahimo diay natong dad-on ang atong conscious awareness diha mismo sa paglakaw. Adunay mga benepisyo ang mindful walking ug kini ang naglangkob ning mosunod:

1. Motabang kini aron motaas ang atong energy level nga sa ato pa, ma-energized gyud kita.

2. Mopakalma kini sa atong gubot o nahasol nga hunahuna.

Dugang pa, ang mindful walking kun dunay kuyog ang usa ka tawo ang makatabang usab aron mas ma-develop niya ang iyang kaugalingong katakus sa pakigkukabildo. Maantigo siyang maminaw ug labaw na nga maantigo siyang mosulti sa mga panghitabo sa sulod sa iyang kasingkasing.