Asa ka Padre?
Usa ka pari ang milakaw usa niana ka gabii ang gipangutana sa usa sa iyang mga parokyano: “Asa ka man adto padre nga posturawo ka man kaayo?” Ang pari dungan ang pagpahiyom nagkanayon: “Hehehehe, brother adto ko sa gawas kay mangita’g WALI!”
Pamalandong
Ang akong klasmeyt kaniadto sa seminaryo sa dihang kami mga dyakono ang mipaambit kanamo nga sa dihang siya nagwali siya giingnan sa iyang kura: “You are more of a teacher than a preacher!” Bitaw usahay diha sa wali dili dautan ang mohimo og usa ka scholarly discussion o dili ba kaha exegesis aron mapasabot ang teksto sa konteksto sa kaniadto. Apan mas haom nga himuong makatimbang kini diha sa paggamit sa atong tawhanong kasinatian aron mas makasabot ug makakuyog ang katawhan nga maminaw sa pamalandong. Kay alang kanako ang hingpit nga wali mao gyud ang tawhanong kinabuhi!
- Latest
- Trending