Lisud ibaligya ang Ginoo

Usa ka katekista ang akong gipangutana kun nganong sa ilang baryo nga misa diyotay ra man gyud ang manimba. Ang yano niyang tubag: “Dili man gud nato mapugos ang mga tawo!” Husto pud siya. Ning panahon nato karon nahimong daw sa pakapin na lang ang Ginoo alang kanatong mga tawo. Kun sugal o dili ba shabu na ang ibaligya mas halinon pa kay sa Ginoo nga ibandilyo ngadto sa mga tawo.

Pamalandong

Bisan pa man kun usahay makasagmuyo nga daw walay epekto ang pastoral nga paningkamot apan sagdi lang kay kini buhat man sa Ginoo ug dili sa tawo. Kayod lang gihapon bisan kapoy na kaayo.