Gibalita nga ang sinagop nga anak sa mayor sa dakbayan sa Talisay nakamugna nasad og kasamok sa usa ka dapit diha sa D. Jakosalem St., ning siyudad sa Sugbu, adtong Huwebes sa gabii.
Nagpadayon gihapon ang pagsamok-samok sa katilingban kining tawhana nga nalambigit na sa daghang salaud.
Dili na ba gyud mapaundang ang pagbinuang niining anak og mayor? Wa na ba gyud bisag kinsa ang makagiya kaniya sa tarong nga dalan?
Nangangkon kini nga ang Talisay “iyaha”. Nga sa ato pa way makabuot kaniya sa bisan unsang tinunto nga iyang buhaton sa maong dapit.
Kini klaro nga nagsalig kay mayor ang amahan sa maong siyudad ug walay mahimo ang maong mayor sa paglubag kaniya aron siya matarong.
Ginoo, unsa may maayong buhaton sa among katilingban? Ni Juanito V. Jabat