EDITORYAL - Kondisyonal ba o absulot ang pardon?

Naglalis karon ang mga giingong batid sa balaud, labi na balaud bahin sa eleksyon, nga si kanhi Presidente Erap Estrada dili makapapili unya sa 2010 tungod kay ang pardon nga gihatag ngadto kaniya ni Presidente Arroyo kondisyonal.

Apan ang kampo ni Estrada miinsister nga ang pardon nga gihatag ngadtong Erap absolut , busa mahimo siyang makapapili.

Kondisyonal ba o absolut?

Tingali walay laing makatubag niini ug makapahilum sa mga langas kaayong panaglalis mao si Presidente Arroyo kay siya man ang naghatag sa maong pardon kon pasaylo.

Dili ba ni mahimo sa Pangulo? Mahimo man tingali gawas kun dili siya maoy nagsuwat sa probisyon sa pardon ug nipirma lang siya sa dokumento.